صوبے میں دہشتگردی بڑھنے کا مزید امکان،11ہزار اہلکاروں کی کمی ،تھانوں اور پولیس چوکیوں کی عمارتیں ٹھیک ہونی چاہئیں ، اسلحہ خریدنے کا پلان تیار ہے ۔
انسپکٹر جنرل آف پولیس خیبر پختونخوا ذوالفقار حمید نے کہا ہے کہ خیبر پختونخوا میں بالخصوص جنوبی اضلاع میں دہشتگردی بڑھی ہے ، صوبے میں دہشتگردی بڑھنے کا مزید امکان ہے ۔
آئی جی ذوالفقار حمید نے کہا ہے کہ خیبر پختونخوا پولیس کے پاس 11ہزار اہلکاروں کی کمی ہے ، تھانوں اور پولیس چوکیوں کی عمارتیں ٹھیک ہونی چاہئیں ، پولیس کو جدید اسلحہ چاہیے ، اسلحہ خریدنے کا پلان تیار ہے ۔
انہوں نے کہا کہ صوبائی حکومت کیساتھ جدید اسلحے اور دیگر وسائل کا معاملہ اُٹھایا ہے ، پارا چنار ٹل شاہراہ کو محفوظ بنانے کیلئے الگ فورس بنالی ہے ۔
آئی جی ذوالفقا ر حمید نے کہا کہ پولیس فورس کی تربیت کا مرحلہ مکمل کرلیا ہے ، اہلکار پوری شاہراہ پر تعینات ہوں گے ۔
