وزیراعلیٰ بلوچستان میر سرفراز بگٹی نے نوشکی میں پولیس موبائل پر حملے کی شدید مذمت کرتے ہوئے ذمہ داروں کیخلاف سخت کارروائی کا حکم دے دیا۔
وزیراعلیٰ سرفراز بگٹی نے کہا ہے کہ پولیس اہلکاروں اور بے گناہ مزدوروں کا خون رائیگاں نہیں جائے گا، ذمہ داروں کو کیفر کردار تک پہنچائیں گے۔
انہوں نے کہا دہشت گردوں اور ان کے سہولت کاروں کے لیے بلوچستان میں کوئی جگہ نہیں، دشمن عناصر کی کمر توڑ کر امن کی بحالی یقینی بنائیں گے۔
وزیراعلیٰ بلوچستان کا کہنا ہے کہ عوام کے جان و مال کا تحفظ حکومت کی اولین ترجیح ہے، کسی بھی قیمت پر امن خراب نہیں ہونے دیں گے۔
یہ بھی پڑھیں: بلوچستان پولیس دہشتگردوں کے نشانے پر، 4 پولیس اہلکار شہید
وزیراعلیٰ بلوچستان سرفراز بگٹی نے مزید کہا کہ دہشت گرد کسی رعایت کے مستحق نہیں، پولیس اور سیکیورٹی فورسز کو بھرپور وسائل فراہم کرکے دہشت گردوں کا خاتمہ یقینی بنائیں گے
