پاکستان سپر لیگ (پی ایس ایل) سیزن 10 کا ریپلیسمنٹ ڈرافٹ آج شام کو ورچوئل سیشن کے ذریعے منعقد ہوگا۔ یہ ڈرافٹ اہم ہے کیونکہ اس میں کچھ کھلاڑیوں کے متبادل منتخب کیے جائیں گے جو چند میچز کے لیے دستیاب نہیں ہوں گے۔
پشاور زلمی اپنے گولڈ کیٹیگری کھلاڑی ناہید رانا کا متبادل چنے گی، جبکہ کراچی کنگز اپنے سلور کیٹیگری کے کھلاڑی لٹن داس کی جگہ نیا کھلاڑی منتخب کرے گی۔
اسلام آباد یونائیٹڈ میں رائیسی وین ڈر ڈوسن بھی شامل ہوں گے لیکن وہ بعض میچز میں دستیاب نہیں ہوں گے۔ اسی طرح مارک چیپ مین اور کین ولیمسن بھی کوئٹہ گلیڈی ایٹرز اور کراچی کنگز کے لیے جزوی طور پر دستیاب ہوں گے۔
پشاور زلمی اپنے ڈائمنڈ کیٹیگری کے کھلاڑی کوربن بوش کے مکمل متبادل کا انتخاب کرے گی، تاکہ ٹیم میں کوئی کمی نہ رہ جائے۔ ان تبدیلیوں کے ساتھ پی ایس ایل سیزن 10 کا ماحول مزید دلچسپ ہوگا اور ٹیموں کو اپنی حتمی شکل دینے میں مدد ملے گی۔
یہ بھی پڑھیں باب خیبر پر پی ایس ایل سیزن 10 کی ٹرافی کی رونمائی، پشاور نمائشی میچ کی تیاری
پی ایس ایل سیزن 10 کے میچز 11 اپریل سے 18 مئی تک چار شہروں میں کھیلے جائیں گے، جس میں لاہور، کراچی، پشاور اور ملتان شامل ہیں۔ اس سیزن کا آغاز شاندار انداز میں ہونے کی توقع ہے اور تمام ٹیمیں بہترین کارکردگی دکھانے کے لیے تیار ہیں۔
