جنوبی وزیرستان اپر کے ڈپٹی کمشنر سلیم خان کے مطابق بدھ کو ایک دن کیلئے جنوبی وزیرستان اپر میں کرفیو نافذ ہوگا، کرفیو نافذ کرنے کا باقاعدہ نوٹیفکیشن جاری کردیا۔
تفصیلات کے مطابق سکیورٹی خدشات کے پیش نظر جنوبی اور شمالی وزیرستان اپر میں کرفیو نافذ کردیاگیا ،انتظامیہ نے جنوبی اور شمالی وزیرستان اپر میں کرفیو نافذ کرنے کا باقاعدہ نوٹیفکیشن جاری کردیا ،اس دوران آسمان منزہ سے لدھا اور مکین تک سڑکیں اور نواز کوٹ سے رزمک تک سڑکیں ٹریفک کیلئے بند رہیں گی
ڈی سی نے بتایا کہ نواز کوٹ پل سے ڈنکن تک کرفیو ہوگا ، جبکہ ڈنکن سے میلوگئی پل تحصیل دوسلی تک مکمل کرفیو نافذ رہے گا ۔
واضح رہے کہ ادھر شمالی وزیرستان میں بھی رزمک سب ڈویژن میں صبح 6بجے سے شام 6 تک کرفیو نافذ کردیا گیا ہے ، مسافروں سے درخواست کی گئی ہے کہ وہ متبادل راستوں کا انتخاب کریں ۔
