پشاور: اچینی چوک میں واقع سی این جی پمپ سے متصل ورکشاپ میں اچانک شدید آگ بھڑک اُٹھی، جس پر ریسکیو 1122 نے فوری کارروائی کی۔
اطلاع ملتے ہی ریسکیو 1122 کنٹرول روم کی ہدایت پر چار فائر وہیکلز تربیت یافتہ فائر فائٹرز کے ہمراہ موقع پر روانہ کیے گئے۔
ریسکیو ٹیموں نے بھرپور مہارت اور پیشہ ورانہ انداز میں فائر فائٹنگ کا آغاز کیا اور تقریباً 55 منٹ کی مسلسل جدوجہد کے بعد آگ پر مکمل قابو پا لیا۔
اس موقع پر ترجمان ریسکیو 1122 بلال احمد فیضی نے بتایا کہ کولنگ کا عمل جاری ہے تاکہ آگ دوبارہ بھڑکنے کے کسی بھی خطرے کو ختم کیا جا سکے۔
خوش قسمتی سے واقعے میں کسی جانی نقصان کی اطلاع نہیں ہے۔
یہ بھی پڑھیں : انڈسٹریل اسٹیٹ پشاور میں دوا ساز کمپنی میں آگ بھڑک اٹھی
یاد رہے کہ اس سے پہلے پشاور کے انڈسٹریل سٹیٹ کارخانوں میں واقع راکاپوشی فارماسیوٹیکل کمپنی میں اچانک آگ لگ گئی۔
واقعے کی اطلاع موصول ہوتے ہی ریسکیو 1122 کی دو فائر ویکلز اور ایک ایمبولینس فوری طور پر جائے وقوعہ پر پہنچ گئی۔
ریسکیو 1122 کے اہلکاروں نے پیشہ ورانہ انداز میں امدادی کارروائیاں کرتے ہوئے آگ کو ایک مخصوص حصے تک محدود رکھا اور فیکٹری کے دیگر حصوں کو متاثر ہونے سے بچا لیا۔
فائر فائٹرز نے دھوئیں کے اخراج کو قابو میں رکھنے کے لیے سموک ایجیکٹرز کا استعمال بھی کیا گیا۔
یہ بھی پڑھیں : ڈیرہ اسماعیل خان پولیس کی کامیاب کارروائی، 14 مغوی بحفاظت بازیاب
ریسکیو 1122 کے فائر فائٹرز نے مسلسل کوششوں کے بعد ایک گھنٹہ اور 25 منٹ میں آگ پر مکمل قابو پالیا، واقعے میں کسی جانی نقصان کی اطلاع نہیں ملی۔
ڈسٹرکٹ ایمرجنسی آفیسر غیور مشتاق خان نے موقع پر امدادی سرگرمیوں کی نگرانی کی اور ریسکیو اہلکاروں کی بروقت کارروائی کو سراہا۔
