پشاور: یکم اپریل 2025ء کو جاری کی گئی رپورٹ کے مطابق پاکستان کے اہم دریاؤں اور آبی ذخائر میں پانی کی صورتحال مستحکم ہے۔ تربیلا، منگلا اور چشمہ کے آبی ذخائر میں پانی کی آمد و اخراج معمول کے مطابق جاری ہے۔
رپورٹ کے مطابق دریائے سندھ (تربیلا) میں پانی کی آمد 18,100 کیوسک اور اخراج 10,000 کیوسک رہا۔ دریائے کابل (نوشہرہ) میں پانی کی آمد 20,200 کیوسک اور اخراج 20,200 کیوسک، جبکہ دریائے جہلم (منگلا) میں پانی کی آمد 19,600 کیوسک اور اخراج 15,000 کیوسک ریکارڈ کیا گیا۔ دریائے چناب (مرالہ) میں پانی کی آمد 9,800 کیوسک اور اخراج 6,100 کیوسک رہا۔
ریگولر رپورٹنگ کے مطابق مختلف بیراجوں پر بھی پانی کی آمد و اخراج جاری ہے۔ جناح بیراج میں پانی کی آمد 35,700 کیوسک اور اخراج 32,200 کیوسک، چشمہ بیراج میں آمد 30,700 کیوسک اور اخراج 32,000 کیوسک، جبکہ گدو بیراج میں پانی کی آمد 16,800 کیوسک اور اخراج 16,800 کیوسک ریکارڈ کیا گیا۔
آبی ذخائر کی صورتحال بھی خوش آئند ہے۔ تربیلا میں پانی کی موجودہ سطح 1410.37 فٹ ہے جبکہ ذخیرہ کرنے کی انتہائی سطح 1550 فٹ ہے اور قابلِ استعمال پانی کا ذخیرہ 0.086 ملین ایکڑ فٹ ہے۔
منگلا میں پانی کی موجودہ سطح 1081.95 فٹ ہے اور قابلِ استعمال پانی کا ذخیرہ 0.174 ملین ایکڑ فٹ ہے۔ چشمہ میں پانی کی موجودہ سطح 644.90 فٹ ہے اور قابلِ استعمال پانی کا ذخیرہ 0.138 ملین ایکڑ فٹ ہے۔
یہ بھی پڑھیں تربیلا اور منگلا ڈیم میں پانی کی کمی، خشک سالی کے باعث فصلیں متاثر ہونے کا خطرہ
یہ صورتحال نہ صرف پاکستان کے آبی وسائل کی استحکام کو ظاہر کرتی ہے بلکہ آئندہ موسمی چیلنجز سے نمٹنے کی صلاحیت بھی بڑھاتی ہے۔
