پشاور۔ اپوزیشن لیڈر ڈاکٹر عباد نےپختون ڈیجیٹل سے گفتگو کرتے ہوئے کہا کہ مراد سعید نے صوبے کی بربادی اور تباہی کے علاوہ کوئی کام نہیں کیا۔ اگر مراد سعید کی کال پر بھی کوئی نکلے گا تو خیبر پختونخوا کے عوام کے لئے اس سے بڑی بدقسمتی نہیں ہوسکتی۔
انہوں نے کہا کہ پاکستان تحریک انصاف کوئی نظریاتی جماعت نہیں ہے، یہ سب اپنے مفادات اور عہدوں کےلئے لڑ رہے ہیں۔ صوبے کے مسائل پر کوئی بات نہیں کررہا۔ اس صوبے کا سب سے بڑا مسلہ دہشت گردی ہے جس پر کوئی بات نہیں کررہا۔
ڈاکٹر عباد نے مزید کہا کہ صوبے میں پوسٹنگ ٹرانسفررشوت دیئےے بغیر نہیں ہورہی۔ترقیاتی منصوبوں کے فنڈ رشوت دیئے بغیر جاری نہیں ہوتے ۔ ٹھیکیداروں کو پیسوں کی ادائیگی رشوت سے مشروط ہے، صوبے میں کرپشن کا بازار گرم ہے اس پر کوئی بات نہیں کررہا۔
اپوزیشن لیڈر نے کہا کہ خیبر پختونخوا کے عوام کو اپنے صوبے کےترقیاتی منصوبےاور ترقی کے معیار کو پنجاب اور سندھ سے موازنہ کرنا چاہئے تاکہ ان کو اندازہ ہوسکے کہ خیبر پختونخوا کے لئےکون سی سیاسی جماعت صوبے اورملک کےمفاد میں بہتر ہے۔
