اسلام آباد: وزارتِ مذہبی امور کے ترجمان کے مطابق ملک بھر میں عازمینِ حج کی تربیت کا دوسرا مرحلہ منگل 8 اپریل سے شروع ہو رہا ہے، جو 24 اپریل تک جاری رہے گا۔ اس دوران 72 شہروں میں 142 ایک روزہ حج تربیتی ورکشاپس کا انعقاد کیا جائے گا۔
منگل 8 اپریل کو اسلام آباد، میر پور خاص، میرپور ماتھیلو، قلعہ سیف اللہ، چکوال اور پشین میں تربیتی ورکشاپس منعقد ہوں گی۔
بدھ 9 اپریل کو حیدر آباد، میرپور میرس، ژوب، قلعہ عبداللہ، چمن، دکی، زیارت، میانوالی اور نوشہرہ میں پروگرام ہوں گے۔
جمعرات 10 اپریل کو ٹنڈو آدم، نوشہرو فیروز، لورالائی، ہری پور، خوشاب اور کوہاٹ میں ورکشاپس ہوں گی۔
جبکہ جمعہ 11 اپریل کو بینظیر آباد، دادو، مردان اور ڈیرہ اسماعیل خان میں عازمینِ حج کو تربیت دی جائے گی۔
ترجمان کے مطابق سمندر پار پاکستانی حاجی، وطن پہنچنے کے بعد اپنے متعلقہ حاجی کیمپ میں تربیت حاصل کریں گے۔ وزارتِ مذہبی امور نے تمام عازمین سے بروقت شرکت کی اپیل کی ہے تاکہ وہ فریضۂ حج کے اہم ارکان اور مناسک سے مکمل طور پر آگاہ ہو سکیں۔
