پاکستان کرکٹ بورڈ (پی سی بی) نے پاکستان سپر لیگ (پی ایس ایل) 10 کے میچ آفیشلز کا اعلان کر دیا ہے۔ اس ایڈیشن میں مجموعی طور پر 13 امپائرز اور 7 میچ ریفریز ذمہ داریاں نبھائیں گے۔
آئی سی سی کے ایلیٹ امپائرز احسن رضا، پال رائفل اور کمار دھرماسینا پی ایس ایل 10 کے میچز میں امپائرنگ کے فرائض انجام دیں گے۔ ان کے علاوہ الیکس واف اور کرس براؤن جیسے بین الاقوامی امپائرز بھی اس پینل کا حصہ ہوں گے۔
پاکستان سے علیم ڈار، آصف یعقوب، فیصل آفریدی اور راشد ریاض بھی امپائرنگ پینل میں شامل ہیں۔ خاص بات یہ ہے کہ علیم ڈار آخری مرتبہ پی ایس ایل میں امپائرنگ کریں گے، اور یہ ایچ بی ایل پی ایس ایل میں ان کا آخری ایڈیشن ہو گا۔
پاکستان کرکٹ بورڈ نے ایلیٹ پینل آف امپائرز میں عبدالمقیت، ناصر حسین، طارق رشید اور ذوالفقار جان کو بھی شامل کیا ہے۔
یہ بھی پڑھیں لاہور قلندرز نے پی ایس ایل 10 کیلئے نئی کِٹ کی رونمائی کر دی
میچ ریفریز کے حوالے سے آئی سی سی ایلیٹ پینل کے رنجن مدوگالے اور روشن مہاناما میچز کی نگرانی کریں گے، جبکہ پاکستان کے علی نقوی اور محمد جاوید ملک بھی ریفریز کے پینل میں شامل ہیں۔
