سربراہ جے یو آئی (ف)مولانا فضل الرحمان نے کہاکہ انسانی حقوق کے علمبردار امریکہ اور یورپ صہیونیت کا ساتھ دے رہے ہیں۔
تفصیلات کے مطابق جے یو آئی نے 13 اپریل کو کراچی میں اسرائیل مردہ باد مظاہرے کا اعلان کرتے ہوئے کہا ہے کہ غزہ کے مسلمانوں پر اسرائیلی صیہونی قوتوں کے ہاتھوں جو بیت رہی ہے وہ تاریخ کے صفحات پر سیاہ دھبوں کے سوا کچھ نہیں ، اسرائیل نے امن معاہدہ توڑ کر غزہ پر شب خون مارا ہے ، عدالتوں کی سنی جارہی ہے نہ قانون کا احترام ہورہا ہے ، انسانی حقوق کے علمبردار امریکہ اور یورپ صیہونیت کا ساتھ دے رہے ہیں ۔
مولانا فضل الرحمان نے کہاکہ فلسطین جل رہا ہے ، بچے تڑپ رہے ہیں اور حکمران خاموش ہیں ، امت مسلمہ کا ہر فرد بیدار ہو اور اپنی آواز بلند کرکے حکمرانوں کو جھنجھوڑ ے ، یہ وقت اپنے مسلمان فلسطینی بھائیوں کیساتھ کھڑا ہونے کا ہے ۔
انہوں نے کہاکہ 10اپریل کو مسئلہ فلسطین پر کنونشن منعقد ہوگا ، کنونشن میں تمام مکاتب فکر کیساتھ بیٹھ کر حکمت عملی بنائیں گے ، 13اپریل کو کراچی میں عظیم الشان اسرائیل مردہ باد مظاہر ہوگا۔
انہوں نے کہاکہ آج فلسطین میں غزہ کے مسلمانوں پر اسرائیلی صیہونی قوتوں کے ہاتھوں جو بیت رہی ہے یا بیت چکی ہے وہ تاریخ کے صفحات پر سیاح دھبوں کے سوا کچھ نہیں ، اسرائیل نے امن معاہدہ توڑ کر غزہ پر شب خون مارا ہے ۔
مولانا فضل الرحمان نے مزید کہاکہ جو کچھ ہوا اسے انسانی عمل سے تعبیر نہیں کیا جاسکتا ، یہ سفاکیت اور درندگی ہے ، نیتن یاہو جنگی مجرم ہے ، اسے عالمی عدالت انصاف نے گرفتار کرنے کا حکم دیا ہے ، نہ عدالتوں کی سنی جارہی ہے اور نہ قانون کا احترام ہورہاہے ۔
