نیشنل سائبر کرائم انویسٹی گیشن ایجنسی (NCCIA) لاہور زون نے علیمہ خان کو ریاست مخالف سوشل میڈیا سرگرمیوں کے الزام میں طلبی کا نوٹس جاری کر دیا ہے۔
زرائع کے مطابق علیمہ خان کو 17 جولائی کو صبح 11 بج کر 30 منٹ پر NCCIA کے دفتر، گلبرگ-II لاہور میں ذاتی طور پر پیش ہونے کی ہدایت کی گئی ہے۔
نوٹس کے مطابق طلبی کا مقصد ان سے ان کے دفاع میں بیان ریکارڈ کرنا ہے،یہ کارروائی انکوائری نمبر 2531/25 مورخہ 27 مئی 2025 کے تحت کی جا رہی ہے۔
زرائع کے مطابق علیمہ خان پر سوشل میڈیا کے ذریعے ریاست مخالف سرگرمیوں میں ملوث ہونے کا الزام عائد کیا گیا ہے۔
نوٹس میں واضح کیا گیا ہے کہ اگر ملزمہ مقررہ وقت پر پیش نہ ہوئیں تو یہ تصور کیا جائے گا کہ ان کے پاس اپنے دفاع میں کچھ پیش کرنے کو نہیں ہے، اور عدم حاضری کی صورت میں قانونی کارروائی کو آگے بڑھایا جائے گا۔
یہ بھی پڑھیں : باجوڑ:ضلعی انتظامیہ نے شہید مولانا خانزیب کی خدمات کے اعتراف میں 1 کروڑ روپے گرانٹ کی منظوری دیدی
طلبی کے نوٹس میں مزید کہا گیا ہے کہ علیمہ خان کی عدم حاضری کی صورت میں ان کے خلاف تعزیرات پاکستان کی دفعہ 174 کے تحت کارروائی عمل میں لائی جا سکتی ہے۔
