پشاور(کامران علی شاہ ) اپر کوہستان مالیاتی سکینڈل میں گرفتار ٹھیکیدار دوراج نے اپنی ضمانت کے لیے احتساب عدالت نمبر 1 میں درخواست دائر کردی ہے۔
عدالت نے ابتدائی سماعت کے بعد نیب کے تفتیشی افسر کو نوٹس جاری کرتے ہوئے سماعت کل تک ملتوی کر دی ہے۔
نیب پراسیکیوٹر کے مطابق ملزم دوراج اپر کوہستان مالیاتی سکینڈل میں براہ راست ملوث ہے اور اس کے خلاف کروڑوں روپے کی مشکوک مالی ٹرانزیکشنز کے شواہد موجود ہیں۔
انہوں نے مزید بتایا کہ ملزم کے منقولہ اور غیر منقولہ اثاثے بھی نیب کی تحقیقات میں سامنے آ چکے ہیں،نیب نے ٹھیکیدار دوراج کو تحقیقات کے دوران حراست میں لیا ہے۔
ملزم نےگرفتاری کے بعد ضمانت کی درخواست دی۔
یہ بھی پڑھیں : احتجاج سے متعلق تحریک انصاف کا پلان سامنے آگیا
عدالت نے فریقین کے دلائل سننے کے بعد کیس کی سماعت کل تک ملتوی کرتے ہوئے نیب کے تفتیشی افسر کو نوٹس جاری کر دیا ہے۔
