ایپل کی جانب سے ستمبر 2025 میں متوقع آئی فون 17 سیریز کے ممکنہ رنگ سامنے آ گئے ہیں، جن میں پہلی بار کچھ غیر متوقع اور جاذبِ نظر رنگوں کو شامل کرنے کی اطلاعات ہیں، خاص طور پر پرو ماڈلز کے لیے۔
چار ماڈلز کی رونمائی متوقع
رپورٹس کے مطابق ایپل رواں سال اپنی نئی آئی فون 17 سیریز کے تحت چار ماڈلز متعارف کرائے گا۔آئی فون 17،آئی فون 17 ایئر،آئی فون 17 پرو،آئی فون 17 پرو میکس۔
اسٹینڈرڈ آئی فون 17 کے ممکنہ رنگ
بنیادی ماڈل میں زیادہ تر کلاسک رنگوں کا احیا ہوگا جن میں سیاہ، سفید اور جامنی جیسے رنگ شامل ہیں۔ یہ رنگ خاص طور پر نوجوان اور اسٹائل سے دلچسپی رکھنے والے صارفین کو متوجہ کرنے کے لیے منتخب کیے گئے ہیں۔
آئی فون 17 ایئر کے لیے نرم اور خوبصورت رنگ
ایئر ماڈل کو ہلکے اور خوبصورت رنگوں کے ساتھ پیش کیے جانے کا امکان ہے، جیسا کہ لائٹ بلیو، سلور اور لائٹ گولڈ، جو اسے نرمی اور نفاست کا تاثر دیں گے۔
پرو ماڈلز میں اورنج رنگ پہلی بار
سب سے بڑی تبدیلی آئی فون 17 پرو اور پرو میکس ماڈلز میں دیکھنے کو مل سکتی ہے، جہاں پہلی مرتبہ اورنج رنگ شامل کیے جانے کی اطلاعات ہیں۔ یہ رنگ ایپل کی تاریخ میں پرو ماڈلز کے لیے ایک نیا تجربہ ہوگا۔ دیگر ممکنہ رنگوں میں پروفیشنل ٹچ والا سیاہ، نفیس ڈارک بلیو اور روایتی سلور شامل ہیں۔
اورنج رنگ: ایک غیر روایتی قدم
اورنج کلر اس بار کی سب سے چونکا دینے والی جھلک ہے جو پہلے کبھی کسی پرو ماڈل کا حصہ نہیں بنی۔
ممکنہ لانچ کی تاریخ
ایپل کی جانب سے آئی فون 17 سیریز کی رونمائی ستمبر 2025 میں متوقع ہے، اور نئے رنگوں کی یہ رینج نہ صرف تکنیکی سطح پر بلکہ ظاہری انداز میں بھی اس سیریز کو منفرد بنا سکتی ہے۔
