ویمنز ورلڈ کپ کے 20ویں میچ میں انگلینڈ نے بھارت کو محنتی اور سنسنی خیز مقابلے کے بعد چار رنز سے شکست دے کر سیمی فائنل میں جگہ بنالی۔
کولمبو اندور کے میدان میں کھیلے گئے معرکے میں انگلش ٹیم نے پہلے بیٹنگ کرتے ہوئے مقررہ 50 اوورز میں 8 وکٹوں کے نقصان پر 288 رنز کا ہدف دیا۔
ہیتر نائٹ نے اپنی شاندار سنچری کے ساتھ ٹیم کی مضبوط بنیاد رکھی، انہوں نے 109 رنز کی دھواں دار اننگز کھیلی جس میں 15 چوکے اور ایک چھکا شامل تھا۔
ایمی جونز نے بھی 56 رنز بنا کر اپنی ٹیم کا حوصلہ بڑھایا جبکہ کپتان نیٹ سیور برنٹ نے 38 رنز کی قابل ذکر اننگز پیش کی۔ بھارتی باؤلر دپیتی شرما نے بہترین باؤلنگ کا مظاہرہ کرتے ہوئے 51 رنز کے عوض چار وکٹیں حاصل کیں۔
ہدف کے تعاقب میں بھارتی ٹیم نے ابتدا میں جلد ایک وکٹ کھو دی مگر سمرتی مندھانا نے 88 رنز کی دلکش اننگز کھیل کر اور کپتان ہرمن پریت کور نے 70 رنز بنا کر ٹیم کو حوصلہ دیا۔
دپیتی شرما نے بھی 50 رنز کی اچھی اننگز کھیل کر کوشش جاری رکھی تاہم اہم لمحات میں یکے بعد دیگرے وکٹیں گرنے سے ٹیم دباؤ کا شکار ہوگئی اور مقررہ 50 اوورز میں صرف 284 رنز بنا سکی۔
یہ بھی پڑھیں: افغان کرکٹ بورڈ نے بھی بھارتی طرز پر چلتے ہوئے پاکستان کیساتھ کرکٹ میچز منسوخ کر دیے
انگلش کپتان نیٹ سیور برنٹ نے اپنی ٹیم کی دفاعی باؤلنگ میں دو اہم وکٹیں لیں جبکہ دیگر چار باؤلرز نے ایک، ایک وکٹ اپنے نام کر کے ٹیم کی فتح میں کلیدی کردار ادا کیا۔
