ڈسٹرکٹ اینڈ سیشن کورٹ اسلام آباد نے سابق وزیر اعلیٰ خیبر پختونخواٰ علی امین گنڈا پور کو گرفتار کرکے عدالت میں پیش کرنے کا حکم دے دیا۔ یہ حکم شراب اور اسلحہ برآمدگی کے کیس کی سماعت کے دوران جاری کیا گیا۔
سینئر سول جج مبشر حسن چشتی نے کیس کی سماعت کی، جس میں علی امین گنڈا پور مسلسل غیر حاضر رہے۔ عدالت نے ان کی غیر حاضری کے باعث وارنٹ گرفتاری برقرار رکھتے ہوئے انہیں گرفتار کرنے کا حکم دیا۔
واضح رہے کہ علی امین گنڈا پور کے خلاف تھانہ بارہ کہو میں شراب و اسلحہ برآمدگی کا مقدمہ درج ہے۔ عدالت نے کیس کی آئندہ سماعت 17 نومبر کے لیے مقرر کی ہے۔
عدالت کی یہ کارروائی علی امین گنڈا پور کی مسلسل غیر حاضری اور قانونی تقاضوں کی تعمیل نہ کرنے کے پیش نظر کی گئی ہے، اور اب پولیس کو حکم ہے کہ وہ انہیں گرفتار کر کے عدالت کے سامنے پیش کرے۔
