پاکستان ریلوے میں ایک اہم تبدیلی کے تحت، محکمہ ریلوے کے تبادلوں کے اختیارات اب نچلی سطح کے افسران کو منتقل کر دیے گئے ہیں۔
پاکستان ریلوے کے چیف ایگزیکٹو عامر علی بلوچ کی ہدایت پرایک اہم نوٹیفکیشن جاری کیا گیا ہے جس کے مطابق گریڈ 11 سے 15 تک کے ملازمین کے تقرر و تبادلے کے اختیارات اب ڈویژنل سپرنٹنڈنٹس کو تفویض کر دیے گئے ہیں۔
اس نئے فیصلے کے تحت، ڈویژنل سپرنٹنڈنٹس کو نہ صرف اپنے متعلقہ ڈویژن میں بلکہ دیگر ڈویژنز میں بھی گریڈ 11 سے 15 کے ملازمین کے تبادلے کی اجازت ملے گی۔
یہ بھی پڑھیں امریکی وزیر خارجہ کی سعودی ولی عہد سے ملاقات، دوطرفہ تعلقات پر گفتگو
اس تبدیلی کا مقصد پاکستان ریلوے کی کارکردگی کو مزید بہتر بنانا اور ملازمین کے تبادلوں میں تیز رفتاری لانا ہے تاکہ ادارے کی کارکردگی میں مزید بہتری آ سکے۔
تاہم، نوٹیفکیشن میں یہ بھی کہا گیا ہے کہ گریڈ 16 کے ملازمین کے تبادلوں کے لیے کیڈر کنٹرول ہیڈکوارٹر سے منظوری لینا ضروری ہو گا۔ اس کے تحت، ڈویژنل سپرنٹنڈنٹس گریڈ 16 کے ملازمین کا اپنے ڈویژن میں تبادلہ نہیں کر سکیں گے اور ان کے تبادلے ہیڈکوارٹر کی منظوری سے مشروط ہوں گے۔
یہ نئی پالیسی پاکستان ریلوے میں انتظامی فیصلوں کی تیز تر عملدرآمد اور ملازمین کی بہتری کے لیے ایک اہم قدم ہے۔
