ملتان میں رمضان المبارک کی آمدمیں کچھ روز باقی ہیں،آڑھتیوں نےکھجورکی قیمتوں میں خود ساختہ اضافہ کر دیا۔
ملتان میں ماہ صیام سے پہلے منافع خورسرگرم ہوگئےکھجور کی قیمتوں میں 30 فیصد تک اضافہ کر دیا ہے،مہنگی کھجورشہریوں کی پہنچ سے دور ہوتی جارہی ہے۔
مارکیٹ میں ایرانی کھجور 600 روپے جبکہ پاکستانی کھجور 450 روپے فی کلو فروخت کی جارہی ہے ۔آڑھتیوں نے قیمتوں میں اضافے کی وجہ بے جاٹیکسز کو قرار دیدیا۔
گورنمنٹ نےکسٹم وغیرہ بڑھائے ہیں اس وجہ سے بھی اسکے ریٹ میں فرق پڑا ہے مہنگا ہوجاتا ہے کرائے ٹرانسپورٹ اسکے اخراجات بھی زیادہ ہیں تو پھر کچھ لوگ بھی مہنگائی کرلیتے ہیں
شہریوں کا کہنا ہے کہ 50 کلو سے 80 روپے بڑھ گیا ہے اوپر، جو 100 روپے پاو تھی وہ اب 120،130 روپے پاو مارکیٹ میں ہوگئی ہے اور جو لے کر جائے گا وہ 150 روپے پاو بیچے گا۔
شہریوں نے حکومت سے مطالبہ کیا ہے کہ منافع خوروں کیخلاف کارروائی کرکے کھجور کی بڑھتی قیمتوں کو کنٹرول کیاجائے۔
