پشاور: پشاور اور لاہور میں شدید دھند کے باعث موٹر ویز پر ٹریفک کی روانی متاثر ہو گئی ہے۔
ترجمان موٹر وے پولیس سید عمران احمد نے بتایا کہ ایم-1 موٹر وے پر ٹول پلازہ پشاور سے رشکئی تک جبکہ ایم-11 موٹر وے پر ٹول پلازہ سے سمبڑیال تک ٹریفک بند کر دی گئی ہے۔
دُھند کے باعث:
ایم-1 مین ٹال پلازہ پشاور سے رشکئی تک بند ہے۔
ایم-11 مین ٹال پلازہ سے سمبڑیال تک بند ہے۔— National Highways & Motorway Police (NHMP) (@NHMPofficial) December 26, 2025
سید عمران احمد نے عوام کو خبردار کیا کہ دھند کے خاتمے تک یہ بندش برقرار رہے گی اور شہری محفوظ سفر کے لیے احتیاطی تدابیر اختیار کریں۔
انہوں نے کہا کہ اس بندش کا مقصد عوام کے جان و مال کے تحفظ کو یقینی بنانا ہے۔
ترجمان موٹر وے پولیس نے شہریوں سے درخواست کی کہ فی الحال پشاور یا صوابی جانے والے افراد غیر ضروری سفر سے گریز کریں۔
اگر راستہ اختیار کرنا لازمی ہو تو گاڑی کم رفتار سے چلائیں، ہیڈلائٹس آن رکھیں اور ہائی بیم کا استعمال محدود کریں۔
یہ بھی پڑھیں : سوال کرنے پر صحافی پر تشدد: وزیر اعلیٰ خیبرپختونخوا کے گارڈز نے انہیں زخمی کر دیا
انہوں نے کہا کہ گاڑیوں کے درمیان مناسب فاصلہ رکھنا ضروری ہے تاکہ اچانک بریکنگ کے نتیجے میں حادثات سے بچا جا سکے۔
مزید برآں موٹر وے پولیس نے ہدایت کی کہ موبائل فون یا دیگر ذرائع کے ذریعے روڈ کی صورتحال سے اپڈیٹ رہیں اور پولیس کی ہدایات پر سختی سے عمل کریں تاکہ محفوظ سفر ممکن ہو سکے۔
