پاکستان میں ٹک ٹاک کا سرچ فیچر اب محض تفریح کے لیے استعمال ہونے والا پلیٹ فارم نہیں رہا بلکہ لاکھوں صارفین کے لیے نئی سوچ دریافت کرنے، عملی مہارتیں سیکھنے اور تحریک حاصل کرنے کا ایک طاقتور ذریعہ بن چکا ہے۔
ماہرین کے مطابق صارفین اب ٹک ٹاک کو ایک ویڈیو فرسٹ سرچ انجن کے طور پر استعمال کر رہے ہیں، خاص طور پر اس وقت جب وہ معلومات کو تیزی سے اور بصری انداز میں سمجھنا چاہتے ہیں۔
لوگ مختصر ویڈیوز تلاش کرتے ہیں جو معلومات کو فوری، واضح اور عملی انداز میں پیش کرتی ہیں۔
چاہے امتحان کی تیاری ہو، سفر کی منصوبہ بندی، تازہ خبروں تک رسائی یا نئی مہارت کا حصول، ٹک ٹاک کی کمیونٹی مستند کری ایٹرز کی جانب سے پیش کی گئی بصری وضاحتوں کو ترجیح دے رہی ہے، جو قابلِ تعلق، عملی اور سمجھنے میں آسان ہوتی ہیں۔
گزشتہ ایک برس میں پاکستان میں تعلیم، ثقافت، کھانے، سفر، حُسن، طرزِ زندگی، خبریں اور روزمرہ کے ہاؤ ٹو (How-To)’ کانٹینٹ کی تلاش میں نمایاں اضافہ دیکھا گیا ہے۔
تجزیات کے مطابق TravelTok# کی تلاش میں 53٪، #FoodTok میں 52٪، #StudyTok میں 60٪، اور #FitnessTok میں 66٪ اضافہ ہوا، جو صارفین کی بڑھتی ہوئی دلچسپی اور تجسس کی عکاسی کرتا ہے۔
یہ بھی پڑھیں : ایک عام سی عادت جو دل، فالج اور کینسر کا سبب بن سکتی ہے
ٹک ٹاک میں جنوبی ایشیا کے کانٹینٹ آپریشنز لیڈ، عمیس نوید کا کہنا ہے کہ پاکستانی کمیونٹی سرچ فیچر کو ایک قدرتی نقطہ آغاز کے طور پر استعمال کرتی ہے تاکہ وہ جان سکیں کہ کوئی شے کس طرح کام کرتی ہے، موضوعات کو تیزی سے سمجھ سکیں یا حقیقی لوگوں سے متاثر ہوں۔
انہوں نے مزید کہا کہ ٹک ٹاک کی کمیونٹی کی مستند نوعیت اسے منفرد بناتی ہے۔ یہاں موجود کانٹینٹ انسانی، عملی اور حقیقی تجربات پر مبنی محسوس ہوتا ہے، جس کی وجہ سے سرچ صرف معلومات تلاش کرنے کی جگہ نہیں بلکہ اعتماد اور جُڑاؤ کا ذریعہ بھی بن گئی ہے۔
یہ رجحان ظاہر کرتا ہے کہ پاکستان میں صارفین اب سیکھنے، سمجھنے اور اپنے روزمرہ کے مسائل کا حل دریافت کرنے کے لیے ٹک ٹاک کا سہارا لے رہے ہیں۔
