راولپنڈی شہر کے مضافات میں واقع مسجد میں خودکش دھماکے کے نتیجے میں 31 افراد شہید اور 169 زخمی ہوگئے ہیں۔
ہسپتال ذرائع کے مطابق دھماکے کے نتیجے میں شہید ہونےوالوں کی تعداد 31 ہوگئی ہے جبکہ 169 زخمیوں کو ہسپتال منتقل کیا گیا ہے۔
ابتدائی اطلاعات کے مطابق خودکش بمبار کو پہلے ہی دیکھا گیا تھا اور اسے روکنے کی کوشش کی گئی لیکن وہ ٹارگٹ تک پہنچنے سے پہلے ہی خود کو دھماکے سے اڑا دیا.
سانحے میں 31 معصوم نمازی شہید اور متعدد زخمی ہوئے ہیں، پولیس کے مطابق خودکش بمبار کا تعلق فتنہ الخوارج سے تھا۔
پولیس اور سیکورٹی ادارے فوری طور پر موقع پر پہنچ کر کارروائی کر رہے ہیں۔
دھماکے کے فوری بعد جڑواں شہروں کے ہسپتالوں میں ایمرجنسی نافذ کر دی گئی ہے۔
یہ بھی پڑھیں: ٹانک میں بکتر بند گاڑی کے قریب دھماکا، 5 پولیس اہلکار جاں بحق
پولیس اور دیگر قانون نافذ کرنے والے اداروں نے علاقے کو گھیرے میں لے کر واقعے کی تحقیقات شروع کردی ہیں۔
