راولپنڈی: نوبیل انعام یافتہ ملالہ یوسفزئی نے راولپنڈی کی مسجد خدیجۃ الکبریٰ میں ہونے والے دہشت گردانہ حملے کی سخت الفاظ میں مذمت کی ہے۔
ملالہ نے اپنے پیغام میں کہا کہ عبادت گزاروں اور شہریوں پر حملہ نہایت خوفناک اور بزدلانہ جرم ہے۔ ان کا کہنا تھا کہ یہ حملہ انسانیت، ایمان اور ہماری اقدار کے خلاف ہے، اور اس سے پوری قوم شدید متاثر ہوئی ہے۔
I am horrified by the attack on a Shia mosque in Islamabad during Friday prayers — an attack on our shared humanity, faith and values.
Targeting innocent worshippers and civilians is a heinous and cowardly crime. My heart goes out to all the victims, the injured and their…
— Malala Yousafzai (@Malala) February 6, 2026
ملالہ نے دعا کی کہ اللہ تعالیٰ ملک میں امن قائم کرے اور ایسے خوفناک واقعات دوبارہ نہ ہوں۔
واضح رہے کہ راولپنڈی کے علاقے ترلائی میں امام بارگاہ و مسجد خدیجۃ الکبریٰ میں خودکش دھماکے کے نتیجے میں 32 افراد شہید اور 150 سے زائد زخمی ہوئے۔
ابتدائی تفتیش کے مطابق جائے وقوعہ سے حملہ آور کی شناختی کارڈ برآمد ہوا، جس کی بنیاد پر حملہ آور کی شناخت یاسر کے نام سے ہوئی۔
یہ بھی پڑھیں : بھارت براہِ راست حملہ نہیں کر سکتا، پراکسیز کے ذریعے بدامنی پھیلا رہا ہے، خواجہ آصف
ملالہ نے کہا کہ یہ نہ صرف ایک مذہبی مقام پر حملہ ہے بلکہ اس کا مقصد ملک میں خوف و دہشت پھیلانا اور عوام کی زندگیوں میں اضطراب پیدا کرنا ہے۔
انہوں نے لواحقین کے ساتھ دلی ہمدردی کا اظہار کیا اور حکومت سے مطالبہ کیا کہ حملے کی مکمل تحقیقات کر کے ذمہ داروں کو سخت سزا دی جائے۔
