پاکستان کرکٹ ٹیم کے جارح مزاج اوپنر صاحبزادہ فرحان نے بھارت کے خلاف آئندہ اتوار کو ہونے والے میچ سے قبل بھرپور اعتماد کا اظہار کیا ہے۔
کولمبو میں امریکا کے خلاف فتح کے بعد منعقدہ پریس کانفرنس میں انہوں نے کہا کہ یہ ایک نارمل میچ ہوگا اور ٹیم اسی جذبے اور انداز میں کھیلے گی۔
صاحبزادہ فرحان نے کہا کہ امریکا کے خلاف 190 رنز کا اسکور حاصل کرنا بڑی بات تھی اور پچ اچھی ہونے کے باوجود ٹیم نے بہترین کھیل کا مظاہرہ کیا۔
انہوں نے مزید کہا کہ مسلسل پانچ چھ ماہ سے ٹیم اچھی کرکٹ کھیل رہی ہے، اور بھارت کے خلاف میچ میں دو میچز کی جیت کا اعتماد لے کر میدان میں اتریں گے۔
اوپنر نے یاد دلایا کہ ایشیا کپ میں بھی پاکستان نے بھارت کے خلاف مقابلہ کیا تھا، لیکن میچ ہار گیا تھا، تاہم اب ٹیم مکمل طور پر تیار ہے اور کوئی دباؤ نہیں لے کر اتوار کو کھیلیں گے۔
واضح رہے کہ ٹی ٹوئنٹی ورلڈ کپ 2026 میں پاکستان نے اپنے ابتدائی دونوں میچز جیت کر مضبوط آغاز کیا ہے، اور اگلا بڑا مقابلہ بھارت کے خلاف اتوار کو کولمبو میں ہوگا۔
ٹیم کے فینز نے بھی اس فتح کو خوش آئند قرار دیا ہے اور بھارت کے خلاف میچ کے لیے امیدیں بڑھا دی ہیں۔
یہ بھی پڑھیں : مشہور سابق ٹیسٹ کرکٹر پشاور زلمی کا حصہ بن گئے
جبکہ دوسری جانب پاکستان کے سابق کرکٹر اظہر محمود نے پی ایس ایل 11 میں پشاور زلمی کے ساتھ اسسٹنٹ اور بولنگ کوچ کے طور پر شمولیت اختیار کر لی ہے۔
ذرائع کے مطابق وہ ٹیم کے بولنگ ڈپارٹمنٹ کو مضبوط بنانے اور کھلاڑیوں کی تکنیکی مہارت کو بہتر بنانے میں اہم کردار ادا کریں گے۔
اظہر محمود کی شمولیت سے نہ صرف تجربہ کار کھلاڑیوں بلکہ نوجوان بولرز کے لیے سیکھنے کا ایک موقع بھی فراہم ہوگا۔
کوچنگ کے دوران وہ کھلاڑیوں کی بولنگ تکنیک، لائن اور لینتھ کے انتخاب اور مختلف صورتحال میں حکمت عملی پر خصوصی توجہ دیں گے۔
ذرائع نے بتایا کہ اظہر محمود کی تربیت سے پشاور زلمی کی بولنگ لائن میں توازن آئے گا اور ٹیم کی کارکردگی میں بہتری متوقع ہے۔
فینز نے بھی اظہر محمود کی شمولیت کو خوش آئند قرار دیتے ہوئے امید ظاہر کی ہے کہ ان کی کوچنگ سے ٹیم مضبوط اور مقابلہ جاتی ہو جائے گی۔
پی ایس ایل 11 میں پشاور زلمی کی ٹیم کے ساتھ اظہر محمود کی موجودگی ٹیم کے لیے ایک اضافی قوت تصور کی جا رہی ہے، خاص طور پر اہم میچز میں بولنگ لائن کی کارکردگی بہتر بنانے کے لیے۔
