شدید دھند کی لپیٹ میں موٹروے، ٹریفک مکمل طور پر متاثر

اسلام آباد: ملک کے مختلف علاقوں میں شدید دھند کے باعث اہم موٹرویز کی آمد و رفت متاثر ہو گئی ہے۔

موٹروے پولیس نے شہریوں کو غیر ضروری سفر سے گریز اور احتیاطی تدابیر اختیار کرنے کی ہدایت جاری کر دی ہے۔

موجودہ صورتحال کے مطابق موٹرویز کی بندش کا حال یہ ہے:

دُھند کے باعث (موجودہ صورتحال):

ایم-2: ٹھوکر نیاز بیگ سے کوٹ مومن تک بند ہے۔
ایم-3: فیض پور سے سمندری تک بند ہے۔
ایم-4: پنڈی بھٹیاں سے فیصل آباد تک بند ہے۔
ایم-11: لاہور سے سمبڑیال تک بند ہے۔

— National Highways & Motorway Police (NHMP) (@NHMPofficial) February 19, 2026

ایم-2: ٹھوکر نیاز بیگ سے کوٹ مومن تک بند
ایم-3: فیض پور سے سمندری تک بند
ایم-4: پنڈی بھٹیاں سے فیصل آباد تک بند
ایم-11: لاہور سے سمبڑیال تک بند

موٹروے پولیس کے ترجمان نے شہریوں کو خبردار کیا کہ دھند کے دوران لین کی خلاف ورزی اور تیز رفتاری خطرناک حادثات کا باعث بن سکتی ہے۔ ڈرائیور حضرات کو سختی سے ہدایت کی گئی ہے کہ وہ لین ڈسپلن پر عمل کریں اور رفتار محدود رکھیں۔

ترجمان نے مزید کہا کہ محفوظ سفر کے لیے صبح 10 بجے سے شام 6 بجے کے درمیان سفر کو ترجیح دی جائے۔ علاوہ ازیں ڈرائیورز کے لیے احتیاطی ہدایات میں شامل ہیں:

فوگ لائٹس کا لازمی استعمال
غیر ضروری سفر سے گریز
رفتار محدود رکھنا
آگے چلنے والی گاڑی سے محفوظ فاصلہ برقرار رکھنا