پاکستان کرکٹ ٹیم کے نئے ہیڈ کوچ کا نام سامنے آ گیا ہے، اور ذرائع کے مطابق ثقلین مشتاق کو پاکستان کرکٹ ٹیم کا نیا ہیڈ کوچ مقرر کیا گیا ہے۔
پی سی بی کے چیئرمین محسن نقوی سے ملاقات کے دوران ثقلین مشتاق نے یہ پیشکش قبول کرلی ہے اور اب وہ آئندہ دورہ نیوزی لینڈ کے دوران ٹیم کی کوچنگ کے فرائض سرانجام دیں گے۔
ثقلین مشتاق اس سے قبل بھی پاکستان کرکٹ ٹیم میں کوچنگ کے فرائض انجام دے چکے ہیں اور ان کا کرکٹ کی دنیا میں ایک مضبوط تاثر ہے۔ انہوں نے چیمپئنز ٹرافی سے قبل بھی کوچنگ کی پیشکش قبول کرنے کے بارے میں غور کیا تھا، تاہم اس وقت شاداب خان کی وجہ سے انہوں نے اس آفر کو مسترد کر دیا تھا۔
یہ بھی پڑھیں چیمپئنز ٹرافی کا سب سے بے معنی میچ آج ہوگا، خود غرض کرکٹرز رہی سہی ساکھ بچانے کیلئے کوشاں
ثقلین مشتاق کی کوچنگ میں پاکستان کرکٹ ٹیم کی کارکردگی پر کئی لوگ نظریں جمائے ہوئے ہیں۔ ان کی تجربے اور کرکٹ کی گہری سمجھ بوجھ کے باعث ٹیم کے نئے کوچ کے طور پر ان کی آمد سے کرکٹ حلقوں میں امیدیں بھی بڑھ گئی ہیں۔
یاد رہے کہ پاکستان کرکٹ ٹیم کی کوچنگ کے لئے مختلف افراد کے نام گردش کر رہے تھے، لیکن آخرکار ثقلین مشتاق کا انتخاب کیا گیا ہے، جو ایک منفرد کرکٹ نگاہ رکھتے ہیں اور پاکستان کرکٹ کے لیے ایک مضبوط متبادل ثابت ہو سکتے ہیں۔
