معروف آسٹریلوی آل راؤنڈر ایشٹن ٹرنر ملتان سلطانز کے کپتان مقرر

پاکستان سپر لیگ کے آئندہ سیزن کے لیے ملتان سلطانز نے اپنے کپتان کا اعلان کر دیا ہے۔ آسٹریلیا سے تعلق رکھنے والے معروف آل راؤنڈر ایشٹن ٹرنر کو فرنچائز کی قیادت سونپی گئی ہے۔

ملتان سلطانز کے چیف ایگزیکٹو آفیسر (سی ای او) کے مطابق ایشٹن ٹرنر کی قیادت میں ٹیم نئے سیزن کی بھرپور تیاریوں میں مصروف ہے۔

Proven Leader. Proven Champion.

3x BBL titles as captain.

Now it’s time to make it happen in Multan. #newsultans #totalcricket pic.twitter.com/resXNFlImL

— Multan Sultans (@MultanSultans) March 9, 2026

انہوں نے بتایا کہ ٹرنر کی تجربہ کاری اور بین الاقوامی کھیل کا وسیع تجربہ ٹیم کے لیے فائدہ مند ثابت ہوگا اور وہ ٹیم کو بہترین نتائج دلانے میں اہم کردار ادا کریں گے۔

اس موقع پر ایشٹن ٹرنر نے کہا کہ ملتان سلطانز کی قیادت میرے لیے اعزاز کی بات ہے اور میں اپنے بہترین کھیل سے ملتان کے پرجوش شائقین کے لیے شاندار سیزن پیش کرنے کی بھرپور کوشش کروں گا۔

انہوں نے مزید کہا کہ وہ ٹیم کے ہر کھلاڑی کی صلاحیتوں کو بھرپور انداز میں استعمال کریں گے اور ٹیم کو کامیابی کی طرف لے جائیں گے۔