عالمی مارکیٹ میں خام تیل کی قیمتوں میں 11 فیصد تک کمی ریکارڈ کی گئی ہے، جس نے سرمایہ کاروں اور عالمی معیشت میں ہلچل مچادی ہے۔ برینٹ آئل کی قیمت 12 ڈالر کمی کے بعد 100 ڈالر فی بیرل ہوگئی، جبکہ ڈبلیو ٹی آئی تیل کی قیمت 10 ڈالر کم ہوکر 88 ڈالر فی بیرل تک پہنچ گئی۔
دوسری جانب امریکی اسٹاک مارکیٹ میں شدید اتار چڑھاؤ کا سلسلہ جاری رہا۔ چند منٹوں میں ایس اینڈ پی 500 انڈیکس 240 پوائنٹس بڑھ گیا، جس کے نتیجے میں مارکیٹ کیپ میں 20 کھرب ڈالر کا اضافہ دیکھا گیا۔ تاہم، ایران کے مذاکرات کی تردید کے بعد انڈیکس 120 پوائنٹس گر گیا اور مارکیٹ کیپ میں 10 کھرب ڈالر کی کمی واقع ہوئی۔
ماہرین کے مطابق یہ اتار چڑھاؤ عالمی تیل کی طلب و رسد، جیوپولیٹیکل کشیدگی، اور سرمایہ کاری کے جذبات کی عکاسی کرتا ہے۔ مارکیٹ کے لیے آئندہ دنوں میں بھی غیر یقینی صورتحال برقرار رہنے کی توقع ہے۔
