کویت: کویت کی سول ایوی ایشن اتھارٹی نے تصدیق کی ہے کہ کویت انٹرنیشنل ایئرپورٹ پر ایک ڈرون حملے میں فیول ٹینک کو نشانہ بنایا گیا، جس کے نتیجے میں آگ بھڑک اٹھی۔
کویت نیوز ایجنسی کے مطابق سول ایوی ایشن اتھارٹی کے ترجمان نے بتایا کہ ابتدائی رپورٹس میں صرف املاک کو نقصان پہنچنے کی اطلاع ملی ہے اور کسی جانی نقصان کی خبر موصول نہیں ہوئی۔
ترجمان نے مزید بتایا کہ واقعے کے فوری بعد ہنگامی اقدامات شروع کر دیے گئے، اور فائر بریگیڈ سمیت متعلقہ ادارے آگ پر قابو پانے کی کوششوں میں مصروف ہیں۔
حکام کا کہنا ہے کہ واقعے کی تحقیقات جاری ہیں اور ڈرون حملے کی نوعیت، ذمہ داری اور ممکنہ محرکات کا تعین کیا جا رہا ہے۔
یہ واقعہ ایسے وقت پیش آیا ہے جب خطے میں ڈرون اور میزائل حملوں کی بڑھتی ہوئی وارداتیں عالمی توجہ کا مرکز بنی ہوئی ہیں۔
یہ بھی پڑھیں : ایران کی باتوں پر مجھے صدر ٹرمپ سے زیادہ اعتماد ہے، سابق سربراہ سی آئی اے
کویت ایئرپورٹ کی سیکورٹی فورسز اور سول ایوی ایشن اتھارٹی اس بات کو یقینی بنانے کی کوشش کر رہی ہیں کہ فلائٹس اور مسافروں کی حفاظت پر کوئی اثر نہ پڑے۔
ادارے کا کہنا ہے کہ تمام متعلقہ حکام الرٹ پر ہیں اور ممکنہ خطرات کو کم کرنے کے لیے ضروری اقدامات کیے جا رہے ہیں۔
