پی ٹی آئی پنجاب کی چیف آرگنائزر عالیہ حمزہ گرفتار، نامعلوم مقام پر منتقل

لاہور: پاکستان تحریک انصاف (پی ٹی آئی) پنجاب کی چیف آرگنائزر عالیہ حمزہ ملک کو لاہور سے گرفتار کر لیا گیا ہے اور بعد ازاں انہیں نامعلوم مقام پر منتقل کر دیا گیا ہے۔

نجی ٹی وی ( ایکسپریس ) ذرائع کے مطابق عالیہ حمزہ ملک لاہور اپنی فیملی سے ملاقات کے لیے موجود تھیں کہ اسی دوران پولیس نے انہیں حراست میں لے لیا۔

جبکہ دوسری جانب پاکستان تحریک انصاف کی رہنما و سینئر قانون دان فیصل چوہدری نے بھی اپنی ٹوئٹر ( ایکس) پرجاری بیان میں کہا ہے کہ عالیہ حمزہ آپا ایک نظریاتی اور دلیر سیاسی رہنماء ہیں۔ انکی کی دوبارہ گرفتاری تحریکِ انصاف کے لئے بڑا دھچکا ہے۔ عالیہ آپا نے جعلی مقدمات میں سزاؤں کے باوجود بھی عمران خان صاحب کے نظریے کا بھرپور ساتھ دیا اور پارٹی کو متحرک رکھا۔

عالیہ حمزہ آپا ایک نظریاتی اور دلیر سیاسی رہنماء ہیں۔ انکی کی دوبارہ گرفتاری تحریکِ انصاف کے لئے بڑا دھچکا ہے۔ عالیہ آپا نے جعلی مقدمات میں سزاؤں کے باوجود بھی عمران خان صاحب کے نظریے کا بھرپور ساتھ دیا اور پارٹی کو متحرک رکھا۔ اڈیالہ کے باہر جس طریقے سے انہوں نے شدید مشکلات اور…

— Faisal Hussain (@faisal_fareed) March 26, 2026

حکام کی جانب سے اس حوالے سے ابھی تک کوئی باضابطہ بیان جاری نہیں کیا گیا ہے، تاہم ذرائع کا کہنا ہے کہ گرفتاری کے بعد عالیہ حمزہ کو قانونی کارروائی یا تحقیقات کے لیے منتقل کیا گیا ہے۔

چیف آرگنائزر پنجاب عالیہ حمزہ کو گرفتار کر لیا گیا ہے، پولیس انہیں اپنے ساتھ لے گئی ہے۔ pic.twitter.com/JdClQsWOlG

— Sheraz Ahmad Sherazi (@Sherazi_Silmian) March 25, 2026

یہ بھی پڑھیں : آئی فون صارفین خبردار، نیا سیکیورٹی الرٹ جاری

پی ٹی آئی ذرائع کے مطابق پارٹی اس معاملے پر نظر رکھے ہوئے ہے اور آئندہ اعلانات متوقع ہیں۔