وزیراعظم شہباز شریف آج شام مختصر دورے پر کراچی پہنچیں گے، جہاں ان کی اہم سیاسی و حکومتی ملاقاتیں طے ہیں۔ وفاقی حکومت کے ذرائع کے مطابق وزیراعظم کی آمد شام 5 بجے متوقع ہے اور اس حوالے سے تمام انتظامات مکمل کر دیے گئے ہیں۔
ذرائع کا کہنا ہے کہ وزیراعظم اپنے دورے کے دوران سینیٹر شیری رحمان کی رہائش گاہ بھی جائیں گے اور ان کی صاحبزادی کے انتقال پر تعزیت کا اظہار کریں گے۔
اس کے علاوہ وزیراعظم کے دورے کے دوران گورنر سندھ نہال ہاشمی سمیت دیگر اہم شخصیات سے ملاقاتیں متوقع ہیں۔ ان ملاقاتوں میں صوبے اور ملک کی مجموعی سیاسی و حکومتی صورتحال، اہم ترقیاتی منصوبے اور باہمی دلچسپی کے امور پر تبادلہ خیال کیا جائے گا۔
وزیراعظم شہباز شریف اپنا مختصر دورہ مکمل کرنے کے بعد واپس اسلام آباد کے لیے روانہ ہو جائیں گے۔
یہ دورہ نہ صرف سیاسی رابطوں کا موقع فراہم کرے گا بلکہ مختلف معاملات پر حکومتی حکمت عملی اور اقدامات پر بھی روشنی ڈالے گا۔
