وزیراعظم کی خصوصی ہدایت پر کل سے اسلام آباد میں عام عوام کے لیے تمام پبلک ٹرانسپورٹ خدمات اگلے 30 دنوں کے لیے بلا معاوضہ فراہم کی جائیں گی۔
وفاقی وزیر داخلہ محسن نقوی نے ایکس پر اپنے پیغام میں کہا کہ پبلک ٹرانسپورٹ فری کرنے کا اقدام شہریوں کو مالی ریلیف دینے اور روزمرہ سفر کو آسان بنانے کے لیے اٹھایا گیا ہے۔
On the directions of the Prime Minister, all public transport in Islamabad will be made free of cost for the general public for the next 30 days, starting tomorrow.
The Ministry of Interior will bear the expenditure of Rs. 350 million for this public relief initiative. Thank you…
— Mohsin Naqvi (@MohsinnaqviC42) April 3, 2026
وزیر داخلہ محسن نقوی نے کہا کہ حکومت کی جانب سے جاری اعلامیے کے مطابق اس عوامی ریلیف اقدام کے تمام اخراجات وزارت داخلہ برداشت کرے گی، جو تقریباً 3.5 کروڑ روپے بنتے ہیں۔
وزارت داخلہ نے عوام سے اپیل کی ہے کہ وہ اس سہولت کا بھرپور فائدہ اٹھائیں اور پبلک ٹرانسپورٹ استعمال کرتے ہوئے سفری سہولت اور آسانی حاصل کریں۔
یہ بھی پڑھیں: پنجاب آگے نکل گیا، وزیراعلیٰ مریم نواز نے صوبے کے تمام شہروں میں پبلک ٹرانسپورٹ مفت کر دی
وزیر اعظم کی ہدایت کے مطابق یہ اقدام ملک میں عوامی ریلیف فراہم کرنے کے سلسلے کی ایک کڑی ہے اور شہریوں کو روزمرہ زندگی میں سہولت دینے کے لیے اٹھایا گیا ہے۔
