سہیل خان
شانگلہ کے علاقے الپوری بورڈ کے مقام پر تیز رفتار گاڑی ڈرائیورگہری کھائی میں جا گری جس کے نتیجے میں 6 افراد شدید زخمی ہو گئے۔
ریسکیو 1122 کے کنٹرول روم کو حادثے کی اطلاع ملتے ہی میڈیکل ٹیم اور ایمبولینسز فوری طور پر جائے وقوعہ پر پہنچیں۔
ریسکیو اہلکاروں نے کھائی سے زخمیوں کو نکال کر موقع پر ہی ابتدائی طبی امداد فراہم کی اور بعد ازاں انہیں مزید علاج کے لیے ڈسٹرکٹ ہیڈ کوارٹر ہسپتال (ڈی ایچ کیو) الپوری منتقل کر دیا گیا۔
ہسپتال ذرائع کے مطابق زخمی ہونے والے تمام افراد کا تعلق اپر دیر سے ہے جن کی شناخت انعام ولد بہرام خان، ساجد اللہ ولد روخانے، ثناء اللہ ولد غلام فاروق، حبیب اللہ ولد تاجور رحمان، زکریا ولد عزیز اللہ اور حفیظ اللہ ولد غلام فاروق کے ناموں سے ہوئی ہے۔
حادثہ بظاہر تیز رفتاری کے باعث گاڑی بے قابو ہونے کی وجہ سے پیش آیا۔
