پشاور میں اچانک سی این جی اسٹیشنز بند ہونے سے شہریوں کی زندگی متاثر ہو گئی ہے۔ ذرائع کے مطابق گلبہار، جی ٹی روڈ، یونیورسٹی روڈ اور دیگر اہم علاقوں میں سی این جی کی سپلائی معطل کر دی گئی ہے جبکہ اندرون شہر کے تمام اسٹیشنز بھی بند ہیں۔
شہریوں کا کہنا ہے کہ اس اچانک بندش نے ٹرانسپورٹ اور روزمرہ زندگی کو شدید متاثر کیا ہے۔ شہری متعلقہ حکام سے فوری نوٹس لینے اور مسائل حل کرنے کا مطالبہ کر رہے ہیں۔
اب تک سی این جی اسٹیشنز بند ہونے کی وجوہات سامنے نہیں آ سکیں، اور نہ ہی کسی حکومتی بیان میں اس حوالے سے وضاحت کی گئی ہے۔ ماہرین کا کہنا ہے کہ ایسے فیصلے نہ صرف عوام کی مشکلات میں اضافہ کرتے ہیں بلکہ مقامی معیشت اور روزگار پر بھی منفی اثرات مرتب کر سکتے ہیں۔
شہری اب سوال کر رہے ہیں کہ کیا یہ بندش محض نااہلی ہے یا اس کے پیچھے کوئی اور وجوہات کارفرما ہیں، اور حکومت کب تک عوام کو اس غیر یقینی صورتحال میں مبتلا رکھے گی۔
