سلمان علی خان
بنوں : خلیفہ گلنواز ہسپتال بنوں میں پیش آنے والے آتشزدگی کے واقعے میں کوئی جانی نقصان نہیں ہوا۔ شارٹ سرکٹ کے باعث لگنے والی آگ پر فیسلٹی اور ریسکیو ٹیموں نے بروقت کارروائی کرتے ہوئے فوری قابو پالیا۔
جبکہ مریضوں کو بھی بحفاظت محفوظ مقام پر منتقل کردیا گیا۔
بنوں: خلیفہ گل نواز ہسپتال کے یورالوجی وارڈ میں شارٹ سرکٹ کے باعث آگ بھڑک اٹھی، ہسپتال عملے اور ریسکیو 1122 کی بروقت کارروائی سے آگ پر قابو پا لیا گیا، کوئی جانی نقصان نہیں ہوا، مریضوں کو بحفاظت محفوظ مقام پر منتقل کردیا گیا، ترجمان ایم ٹی آئی بنوں pic.twitter.com/T49CRisLdC
— Pakhtun Digital (@PakhtunDigital) September 7, 2026
ہاسپٹل ڈائریکٹر ایم ٹی آئی بنوں پروفیسر ڈاکٹر عبدالغفور خان نے اپنے ویڈیو پیغام میں بتایا کہ ہنگامی صورتحال سے نمٹنے کے لیے عملے کو حال ہی میں خصوصی تربیت دی گئی تھی، جو واقعے کے دوران بروقت اور مؤثر کارروائی میں معاون ثابت ہوئی۔
یہ بھی پڑھیں : یومِ فضائیہ کے موقع پر پاکستان ایئر فورس کا نیا ملی نغمہ جاری
ان کا کہنا تھا کہ فیسلٹی اور ریسکیو ٹیموں نے فوری ردِعمل دیتے ہوئے صورتحال پر قابو پالیا اور مریضوں کی حفاظت کو یقینی بنایا۔
اس موقع پر ڈین پروفیسر ڈاکٹر محمد ندیم، میڈیکل ڈائریکٹر اسسٹنٹ پروفیسر ڈاکٹر فرمان اللہ وزیر، ایسوسی ایٹ ہاسپٹل ڈائریکٹر پروفیسر ڈاکٹر محمد اکرم اور ڈائریکٹر فنانس اعجاز الرحمن بھی ان کے ہمراہ تھے۔
