حکومت نے بینظیر تعلیمی وظائف پروگرام کے تحت بچوں کی رجسٹریشن کا آسان طریقہ کار اور اہلیت کی شرائط جاری کر دی ہیں۔
اس پروگرام کا بنیادی مقصد مستحق خاندانوں کے بچوں کو تعلیم کی طرف راغب کرنا اور ان کی مالی معاونت فراہم کرنا ہے۔
بینظیر تعلیمی وظائف میں رجسٹریشن کے لیے بچوں کو ہمراہ لے کر قریبی بینظیر انکم سپورٹ پروگرام (BISP) دفتر جانا ہوگا۔
متعلقہ افسر کو بچوں کا ب فارم اور پہلے سے BISP میں رجسٹرڈ موبائل نمبر فراہم کرنا ضروری ہوگا۔ اس کے بعد افسر رجسٹریشن مکمل کر کے انرولمنٹ سلپ جاری کرے گا۔
یہ انرولمنٹ سلپ بچوں کے اسکول لے جا کر کلاس ٹیچر اور ہیڈ ٹیچر سے مکمل کروانا لازم ہے۔ اس میں بچوں کی کلاس، سیکشن، اساتذہ کے نام اور دیگر کوائف درج کرنا ضروری ہوگا۔
مکمل شدہ انرولمنٹ سلپ دوبارہ BISP دفتر میں جمع کروانے کے بعد تصدیقی عمل مکمل کیا جائے گا، جس کے بعد وظیفہ جاری کیا جائے گا۔
وظیفہ حاصل کرنے کے لیے بچوں کی کم از کم 70 فیصد اسکول حاضری ضروری ہے۔ اگر کوئی بچہ اسکول تبدیل کرتا ہے تو اس کی اطلاع بھی BISP دفتر کو دینا لازم ہے۔
اہلیت کی شرائط کے مطابق بچوں کی والدہ کا بینظیر کفالت پروگرام میں شامل ہونا لازمی ہے، اور نادرا سے جاری شدہ بچوں کا ب فارم بھی فراہم کرنا ہوگا۔
بچوں کے لیے عمر کی حدود درج ذیل ہیں۔
پرائمری کے لیے: 4 سے 14 سال
سیکنڈری کے لیے: 8 سے 18 سال
ہائر سیکنڈری کے لیے: 13 سے 22 سال
وظیفہ کی سہ ماہی رقم درج ذیل ہے
طالبات کے لیے
پرائمری: 3000 روپے
سیکنڈری: 4000 روپے
ہائر سیکنڈری: 5000 روپے
طلباء کے لیے:
پرائمری: 2500 روپے
سیکنڈری: 3500 روپے
ہائر سیکنڈری: 4500 روپے
اضافی طور پر پرائمری تعلیم مکمل کرنے والی طالبات کو 3000 روپے کا خصوصی بونس بھی دیا جائے گا۔
