بھارتی کرکٹ ٹیم کے کپتان روہت شرما نے ون ڈے کرکٹ میں 11 ہزار رنز کا سنگ میل عبور کرتے ہوئے سابق بھارتی بلے باز سچن ٹنڈولکر کا 23 سال پرانا ریکارڈ توڑ دیا۔
دبئی میں کھیلے گئے آئی سی سی چیمپئنز ٹرافی کے دوسرے میچ میں بنگلہ دیش کے خلاف بیٹنگ کرتے ہوئے روہت شرما نے یہ کارنامہ انجام دیا۔ یہ ان کی 261 ویں اننگ تھی۔
یہ بھی پڑھیں فخر زمان چیمپئنز ٹرافی سے باہر ہوگئے
روہت شرما 11 ہزار رنز مکمل کر کے ون ڈے کرکٹ میں تیز ترین 11 ہزار رنز بنانے والے دنیا کے دوسرے کھلاڑی بن گئے ہیں۔ اس فہرست میں بھارتی کھلاڑی ویرات کوہلی پہلے نمبر پر ہیں، جنہوں نے 222 اننگز میں یہ سنگ میل عبور کیا۔ سچن ٹنڈولکر اب تیسرے نمبر پر ہیں، جنہوں نے 2002 میں اپنی 276 ویں اننگ میں یہ کارنامہ انجام دیا تھا۔
روہت شرما 11 ہزار رنز بنانے والے دنیا کے 10 ویں اور بھارت کے چوتھے کھلاڑی بن گئے ہیں۔ بھارت کے دیگر کھلاڑیوں میں ساروو گنگولی شامل ہیں۔ سابق پاکستانی کپتان انضمام الحق اس فہرست میں شامل واحد پاکستانی ہیں جنہوں نے 11 ہزار رنز کا ہندسہ عبور کیا ہے اور ان کے رنز کی تعداد 11,739 ہے۔
