پشاور۔ خیبر پختونخوا حکومت نے نشے سے پاک پشاور مہم کے فیز تھری کا آغاز کر دیا ہے۔ اس فیز میں میں 2000 افراد کو مفت علاج فراہم کیا جائے گا اور منشیات کے تدارک کے لیے مہم کے دوران ٹھوس اقدامات کیے جائیں گے۔
اس سلسلے میں خیبر پختونخوا کے وزیر برائے سماجی بہبود سید قاسم علی شاہ نے خواجہ یونس سوشل ویلفیئر آرگنائزیشن سنٹر کے اچانک دورے کے دوران کیا صوبائی وزیر نے سنٹر کا تفصیلی جائزہ لیا اور اس میں موجود عملے اور نشے کے عادی افراد سے ملے اور حکومت کی جانب سے فراہم کردہ علاج کی سہولیات اور بحالی کے اقدامات کے بارے میں دریافت کیا۔
اس موقع پر صوبائی وزیر نےاظہار خیال کرتے ہوئے کہا کہ نشے سے پاک پشاور موجودہ حکومت کا مشن ہے اور ان اہداف کے حصول کے لیے تمام ضروری اقدامات کیے جائیں گے کیونکہ یہ منصوبہ پشاور کے عوام اور رہاشیوں کے لیے اہمیت کا حامل ہے۔
یہ بھی پڑھیں: وزیر اعلیٰ خیبر پختونخوا کا پشاور بس ٹرمینل کا دورہ، جون تک تکمیل کا ہدف مقرر
انہوں نے مزید کہا کہ صوبائی حکومت ہر شعبے میں نمایاں اور شاندار کارکردگی کا عملی مظاہرہ کررہی ہے اور ہمارے قائد عمران خان کی ہدایت کے تحت عوام کوترقی اور خوشحالی سے ہمکنار کرنے کے لئے بھر پور اقدامات جاری ہیں انہوں نے کہا کہ ڈرگ فری پشاور مہم کے ذریعے معاشرے کے نظر انداز کیے گئے افراد کو دوبارہ قومی دھارے میں شامل کر نے کی عملی کوشش کی جارہی ہے۔
