پاکستان کے مختلف شہروں میں سولر پینلز کی نئی قیمتیں سامنے آگئیں، جہاں فی واٹ نرخوں میں نمایاں فرق دیکھا جا رہا ہے۔
پاکستان میں سولر پینلز کی قیمتوں میں شہر کے حساب سے فرق دیکھا جا رہا ہے۔ مارکیٹ ذرائع کے مطابق مختلف شہروں میں سولر پینلز کی فی واٹ قیمتیں مختلف سطح پر موجود ہیں، جس کی بڑی وجہ مقامی طلب، رسد، ٹرانسپورٹ اخراجات اور مارکیٹ کے حالات ہیں۔
تازہ ترین نرخوں کے مطابق اسلام آباد میں سولر پینل کی قیمت 43 سے 50 روپے فی واٹ، راولپنڈی میں 43 سے 49 روپے فی واٹ، جبکہ لاہور اور کوئٹہ میں 43 سے 48 روپے فی واٹ تک ہے۔
اسی طرح فیصل آباد میں سولر پینلز کی قیمت 42 سے 49 روپے فی واٹ، پشاور میں 43 سے 49 روپے فی واٹ، جبکہ کراچی میں 42 سے 48 روپے فی واٹ تک ریکارڈ کی گئی ہے۔
ماہرین کے مطابق صارفین بہتر قیمت حاصل کرنے کے لیے اپنے قریبی تھوک بازاروں اور مجاز ڈیلرز سے خریداری کریں۔ کراچی صدر، لاہور ہال روڈ اور راولپنڈی کالج روڈ سمیت دیگر مارکیٹس میں سولر پینلز کی خرید و فروخت جاری ہے۔
مارکیٹ ماہرین کا کہنا ہے کہ سولر پینلز کی قیمتیں معیار، برانڈ، دستیابی اور مارکیٹ کے اتار چڑھاؤ کے باعث تبدیل ہو سکتی ہیں، اس لیے خریداری سے قبل تازہ نرخ معلوم کرنا ضروری ہے۔
