آج پاکستان اور نیوزی لینڈ کے درمیان پانچ میچز پر مشتمل ٹی ٹوئنٹی انٹرنیشنل سیریز کا تیسرا میچ ایڈن پارک میں کھیلا جائے گا۔
اس میچ کے لیے قومی ٹی ٹوئنٹی سکواڈ نے گزشتہ روز پریکٹس سیشن کا اہتمام کیا، جس میں کھلاڑیوں نے تین گھنٹے تک کوچز کی نگرانی میں پریکٹس کی۔
پریکٹس سیشن کے دوران باولرز اور بیٹرز نے نیٹ پریکٹس کی۔ اسپنرز، فاسٹ باولرز اور تھروور ڈاؤن پر بیٹرز نے اپنی مہارتوں کو بہتر بنانے کی کوشش کی۔ اس کے علاوہ کھلاڑیوں نے پریکٹس سے قبل وارم اپ ڈرلز میں بھی حصہ لیا تاکہ میچ کے لیے اپنی فٹنس اور تیاری کو مزید بہتر بنا سکیں۔
آج کا میچ پاکستان وقت کے مطابق صبح 11 بج کر 15 منٹ پر شروع ہوگا۔ اس وقت نیوزی لینڈ کو پانچ میچز کی سیریز میں 2-1 کی برتری حاصل ہے۔
یہ بھی پڑھیں پاکستان نے نیوزی لینڈ کے خلاف ٹی ٹوئنٹی تاریخ کا بدترین ریکارڈ قائم کردیا
پاکستان کی ٹیم اس میچ میں جیت کے ذریعے سیریز میں واپس آنے کی کوشش کرے گی، جبکہ نیوزی لینڈ کی ٹیم سیریز میں اپنی برتری کو بڑھانے کی خواہش مند ہے۔
دونوں ٹیمیں میدان میں اپنی بہترین کارکردگی دکھانے کے لیے پرعزم ہیں اور شائقین کرکٹ کو ایک سنسنی خیز مقابلہ دیکھنے کو ملے گا۔
