وفاقی حکومت کی جانب سے طے شدہ پیٹرولیم پرائسنگ میکانزم کے تحت آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی نئی قیمتوں کا باضابطہ اعلان کر دیا ہے۔
وزارتِ توانائی (پیٹرولیم ڈویژن) کی جانب سے جاری کردہ پریس ریلیز کے مطابق نئی ایکس ڈیپو قیمتوں کا اطلاق 23 اکتوبر 2026ء سے ہوگا۔
حکومتی نوٹیفکیشن کے مطابق پیٹرول کی قیمت میں 1.60 روپے فی لیٹر کمی کی گئی ہے جس کے بعد پیٹرول کی نئی قیمت 379.31 روپے سے کم ہو کر 377.71 روپے فی لیٹر ہو گئی ہے۔
دوسری جانب ڈیزل کی قیمت میں 1.64 روپے فی لیٹر کا اضافہ کر دیا گیا ہے جس کے باعث ڈیزل کی سابقہ قیمت 390.11 روپے سے بڑھ کر 391.75 روپے فی لیٹر کی سطح پر پہنچ گئی ہے۔
وزارتِ توانائی کے مطابق قیمتوں میں اس تبدیلی کی بنیادی وجہ عالمی منڈی کے حالات، پلاٹس ریٹس میں ہونے والے اتار چڑھاؤ اور پریمیم سمیت دیگر متعلقہ اخراجات ہیں۔
