محکمہ موسمیات نے ملک کے مختلف مقامات پر گرج چمک کے ساتھ بارش کی پیشگوئی کی ہے۔
تفصیلات کے مطابق خیبر پختونخوا کے متعدد اضلاع چترال ، دیر ، کوہستان ، بٹگرام ،مانسہرہ اور ایبٹ آباد میں تیز ہوائوں اور گرج چمک کیساتھ بارش ہونے کی توقع ہے ۔
آج اسلام آباد اور گردونواح میں موسم خشک اور گرم رہنے کا امکان ہے ،مری ،گلیات اور گردونواح میں گرج چمک کیساتھ بارش کی پیشگوئی ہے ۔
آئندہ دو سے تین روز کے دوران صوبہ سندھ اور جنوبی پنجاب میں دن کا درجہ حرارت معمول سے 02سے 04ڈگری سینٹی گریڈ زیادہ رہنے کا امکان ہے ۔
محکمہ موسمیات نے گلگت بلتستان میں مطلع جزوی ابر آلودرہنے کا امکان ظاہر کیا ہے ، آزاد کشمیر میں گرج چمک کیساتھ چند مقامات پر بارش کاامکان ہے ۔
