ڈپٹی کمشنر صوابی نصراللہ خان نے ڈی سی آفس کے دو اہلکاروں کو ملازمت میں ترقی کے لیے جعلی تعلیمی اسناد پیش کرنے پر نوکری سے برطرف کر دیا۔
ترجمان ڈپٹی کمشنر کے مطابق ایک اسسٹنٹ اور ایک نائب قاصد کے خلاف انکوائری مکمل کی گئی جس میں جعل سازی ثابت ہونے پر یہ کارروائی عمل میں لائی گئی۔
ڈپٹی کمشنر نصراللہ خان کا کہنا ہے کہ کسی بھی سرکاری ادارے میں کرپشن، جعل سازی یا بدعنوانی برداشت نہیں کی جائے گی، اور میرٹ کو ہر صورت یقینی بنایا جائے گا۔
