امریکا کی ریاست نیویارک میں سیاحوں سے بھری ایک بس الٹنے سے متعدد افراد ہلاک اور زخمی ہو گئے۔
خبر ایجنسیوں کے مطابق حادثہ اس وقت پیش آیا جب بس کا ڈرائیور کنٹرول کھو بیٹھا اور بس سڑک سے پھسل کر الٹ گئی۔ حادثے کے وقت بس میں تقریباً 50 افراد سوار تھے جن میں اکثریت سیاحوں کی تھی۔
ابتدائی اطلاعات کے مطابق زخمیوں میں کئی کی حالت تشویشناک ہے۔ بس میں سوار افراد زیادہ تر چین، بھارت اور فلپائن سے تعلق رکھتے تھے جو نیویارک کے مختلف سیاحتی مقامات کی سیر کے لیے جا رہے تھے۔
یہ بھی پڑھیں : پنسلوانیا یونیورسٹی میں افسوسناک واقعہ، متعدد افراد زخمی
پولیس اور ٹرانسپورٹ حکام نے حادثے کی تحقیقات شروع کر دی ہیں جبکہ بس کمپنی سے بھی معلومات طلب کی گئی ہیں۔ زخمیوں کو قریبی اسپتالوں میں منتقل کر دیا گیا ہے۔
