ٹریفک جام کے باوجود وزیر اعلیٰ خیبرپختونخوا سہیل آفریدی پیدل اسمبلی پہنچ گئے، عوام و طلبہ سے ملاقات بھی کی۔
تفصیلات کے مطابق اسمبلی روڈ پر شدید ٹریفک جام کے باوجود وزیر اعلیٰ خیبرپختونخوا سہیل آفریدی پیدل اسمبلی پہنچ گئے اور سینٹ انتخابات میں ووٹ کاسٹ کیا۔ اس دوران وزیر اعلیٰ نے عوام اور اسکول کے بچوں کے ساتھ گرم جوشی سے ہاتھ ملایا، جس کی ویڈیوز سوشل میڈیا پر وائرل ہو گئی ہیں۔
ذرائع کے مطابق سہیل آفریدی کی یہ حرکت عوامی رابطے اور عوامی خدمت کے جذبے کی عکاسی کرتی ہے۔ وزیر اعلیٰ کے پیدل اسمبلی پہنچنے کی ویڈیو میں دیکھا جا سکتا ہے کہ وہ شہریوں سے سلام دعا کر رہے ہیں اور بچوں کے ساتھ دوستانہ انداز میں گفتگو بھی کر رہے ہیں۔
سوشل میڈیا صارفین نے وزیر اعلیٰ کی اس حرکت کو سراہا اور اسے عوام دوست رویے کی علامت قرار دیا۔ اس دوران عوام نے بھی وزیر اعلیٰ کے ساتھ تصویریں بنائیں اور ملاقات کے لمحات سوشل میڈیا پر شیئر کیے۔
یہ واقعہ اس بات کا مظہر ہے کہ وزیر اعلیٰ عوامی مسائل اور عوام کے ساتھ رابطے کو ترجیح دیتے ہیں، چاہے حالات کیسے بھی ہوں۔
