پشاورشہر میں آج دہشتگردی کی ایک سنگین کارروائی ہوئی جب فیڈرل کانسٹیبلری (ایف سی) ہیڈکوارٹرز پر خودکش حملہ کیا گیا۔ اس حملے کے نتیجے میں 3 ایف سی اہلکار شہید اور 5 شہری زخمی ہوئے، جنہیں فوری طور پر ہسپتال منتقل کیا گیا۔
تفصیلات کے مطابق ڈپٹی کمانڈنٹ ایف سی کے مطابق، حملے میں تین خودکش حملہ آوروں نے ایف سی ہیڈکوارٹرز پر دھماکہ کیا۔ سی سی پی او پشاور، ڈاکٹر میاں سعید نے تصدیق کی کہ تینوں حملہ آور مارے گئے ہیں اور واقعے کے بعد سیکیورٹی فورسز نے علاقے کو مکمل طور پر گھیرے میں لے لیا۔
ہسپتال ذرائع کے مطابق زخمی ہونے والوں میں 3 ایف سی اہلکار اور 5 شہری شامل ہیں اور ان کی حالت تسلی بخش ہے۔ ترجمان لیڈی ریڈنگ ہسپتال نے بھی تصدیق کی کہ تمام زخمیوں کو فوری طبی امداد فراہم کی جا رہی ہے۔
سیکیورٹی فورسز نے علاقے میں سرچ آپریشن شروع کر دیا ہے اور عوام سے اپیل کی گئی ہے کہ وہ جائے وقوعہ کے قریب نہ جائیں تاکہ مزید نقصان سے بچا جا سکے۔ ذرائع کا کہنا ہے کہ واقعے کی مکمل تحقیقات جاری ہیں اور حملہ آوروں کی ممکنہ شراکت داروں کی نشاندہی کی جا رہی ہے۔
