خیبر پختونخوا کے ضلع کوہاٹ میں مسافر کوچ اور کار کے درمیان خوفناک تصادم کے نتیجے میں تین افراد جاں بحق جبکہ نو زخمی ہوگئے۔
پولیس کے مطابق حادثہ پنڈی روڈ پر بلی ٹنگ آئل ڈپو کے قریب پیش آیا جہاں دونوں گاڑیاں تیز رفتاری کے باعث آپس میں ٹکرا گئیں۔
ریسکیو حکام کے مطابق زخمیوں کو فوری طور پر اسپتال منتقل کردیا گیا ہے جہاں انہیں ضروری طبی امداد فراہم کی جا رہی ہے۔
یہ بھی پڑھیں : پیٹرول پمپس بند ہونے کا خدشہ، پاکستان پیٹرولیم ڈیلرز ایسو سی ایشن کا اہم اعلان سامنے آگیا
اسپتال انتظامیہ کا کہنا ہے کہ کچھ زخمیوں کی حالت تشویش ناک ہے۔
پولیس نے حادثے کی تحقیقات شروع کر دی ہیں۔
