قائد حزب اختلاف محمود خان اچکزئی نے وزیراعظم شہباز شریف کو ایک خط لکھ کر اڈیالہ جیل میں قید بانی پی ٹی آئی عمران خان کی صحت سے متعلق تشویش ظاہر کی ہے۔
خط میں انہوں نے مطالبہ کیا ہے کہ بانی پی ٹی آئی کا مکمل طبی معائنہ ان کے ذاتی معالجین کے ذریعے کرایا جائے۔
خط میں یہ بھی کہا گیا کہ اڈیالہ جیل میں عمران خان کا معائنہ اہلِ خانہ اور ذاتی ڈاکٹروں کی غیر موجودگی میں کیا جا رہا ہے جس پر شدید تشویش ہے۔
یہ بھی پڑھیں : خیبر:وطن واپسی پر افغان خاندان کی گاڑی کو حادثہ
محمود خان اچکزئی نے وزیراعظم سے فوری ذاتی مداخلت کی درخواست کی اور اس معاملے کو بنیادی انسانی حقوق کا مسئلہ قرار دیا۔
خط میں یہ بھی تجویز دی گئی کہ بانی پی ٹی آئی کا طبی معائنہ شوکت خانم اور شفا ہسپتال کے ڈاکٹروں سے کرایا جائے۔ ساتھ ہی انہوں نےعمران خان کے چند ذاتی معالجین کے نام بھی تجویز کیے جن میں ڈاکٹر محمد عاصم یوسف، ڈاکٹر پروفیسر مظہر اسحاق اور ڈاکٹر پروفیسر عامر اعوان شامل ہیں۔
