شمالی کوریا کے رہنما کم جونگ ان نے اپنی 13 سال کی بیٹی کو جانشین کے طور پر منتخب کر لیا ہے۔
13سال کی کم جو حالیہ مہینوں میں اپنے والد کے ساتھ اعلیٰ سطح کے عوامی اجتماعات میں دیکھی گئی ہیں جن میں ستمبر میں بیجنگ کا دورہ بھی شامل ہے جو ان کا پہلا معلوم غیر ملکی دورہ تھا۔
قانون ساز لی سونگ کوئن نے صحافیوں کو بتایا کہ جو اے جنہیں پہلے نیشنل انٹیلی جنس سروس نے جانشین کے طور پر تربیت یافتہ بتایا تھا اب جانشین کے نامزدگی کے مرحلے میں ہیں۔
لی نے کہا کم جو اے نے مختلف تقریبات میں اپنی موجودگی دکھائی ہے بشمول کورین پیپلز آرمی کی بنیاد کی سالگرہ اور کم سوسان پیلس آف دی سن کا دورہ اور کچھ ریاستی پالیسیوں پر اپنی رائے ظاہر کرنے کے آثار بھی ملے ہیں اس لیے نیشنل انٹیلی جنس سروس کے مطابق وہ اب جانشین کے طور پر نامزد ہونے کے مرحلے میں داخل ہو گئی ہیں۔
کوریان کی نیشنل انٹیلی جنس سروس کے مطابق کم جونگ ان کا ایک بڑا بیٹا بھی ہے لیکن اس بیٹے کو کبھی تسلیم نہیں کیا گیا اور نہ ہی شمالی کوریا کے میڈیا پر دکھایا گیا۔
