امریکی صدر ڈونلڈ ٹرمپ نے نئی سفری پابندیاں عائد کرنے کا فیصلہ کیا ہے اور اس سلسلے میں ایک ریڈ لسٹ جاری کی گئی ہے
جس میں متعدد ممالک کے شہریوں کے امریکا میں داخلے پر پابندی ہوگی۔
خبر ایجنسی کے مطابق اس فہرست میں شامل ممالک میں سوڈان، صومالیہ، ایران، شام، یمن اور شمالی کوریا شامل ہیں۔
پاکستان اور افغانستان کا نام بھی اس فہرست میں شامل ہے، اور یہ پابندیاں کل سے نافذ کی جا سکتی ہیں۔
اس حوالے سے امریکی حکام کا کہنا ہے کہ یہ اقدام ملک کی سیکیورٹی کو مدنظر رکھتے ہوئے کیا جا رہا ہے۔
یہ بھی پڑھیں چین کی جانب سے امریکی درآمدات پر اضافی ٹیرف، ٹرمپ کا ردعمل
دوسری جانب وزیرِ مملکت داخلہ طلال چوہدری نے امریکی ویزے سے متعلق بیانات پر ردعمل دیتے ہوئے کہا ہے کہ اس بارے میں وزارت خارجہ کے حکام بہتر طریقے سے آگاہ کر سکتے ہیں۔
انہوں نے کہا کہ پاکستان کی خواہش ہے کہ امریکا کے ساتھ تعلقات اچھے اور مضبوط ہوں۔
