پاکستان کرکٹ بورڈ کے چیئرمین محسن نقوی نے تصدیق کی ہے کہ وہ انٹرنیشنل کرکٹ کونسل کے آئندہ اجلاس میں شرکت کریں گے اور اس موقع پر پاکستان کرکٹ کے مفادات کے تحفظ کے لیے مکمل طور پر متحرک رہیں گے۔
انٹرنیشنل کرکٹ کونسل کا اجلاس 4 نومبر کو دبئی میں ہو رہا ہے، جس میں پاکستان بھی شرکت کرے گا۔
لاہور میں پی سی بی سکول ٹورنامنٹ کے افتتاح کے موقع پر میڈیا سے بات چیت کرتے ہوئے محسن نقوی نے کہا کہ اجلاس میں پاکستان کی نمائندگی بھرپور انداز میں کی جائے گی
چیئرمین پی سی بی نے نوجوان کھلاڑیوں کی تربیت اور گراس روٹ سطح پر فٹنس کلچر کی اہمیت پر بھی زور دیا۔
انہوں نے کہا کہ متوازن خوراک اور جسمانی فٹنس کھلاڑیوں کی بہتر کارکردگی کے لیے لازمی ہیں اور یہی پاکستان کرکٹ کو آگے لے جائے گا۔
اس موقع پر سکول کپ کے فائنل راؤنڈ میں حصہ لینے والی آٹھ ٹیموں کے کھلاڑیوں سے ملاقات کرتے ہوئے محسن نقوی نے نوجوان کھلاڑیوں کو حوصلہ افزائی کی اور انہیں بہترین کھیل دکھانے کی ہدایت دی۔
یہ بھی پڑھیں: چیئرمین پی سی بی نے تین ملکی سیریز میں فتح پر ٹیم کو مبارکباد دی
چیئرمین پی سی بی محسن نقوی نے کہا کہ سکول سطح پر کرکٹ کے فروغ سے مستقبل کے کامیاب کھلاڑی پیدا ہوں گے۔
