چیئرمین پی ٹی آئی بیرسٹر گوہر نے اعلان کیا ہے کہ بانیٔ پی ٹی آئی کی زیر قیادت امن تحریک مکمل طور پر پُرامن ہوگی۔ گفتگو کے دوران انہوں نے عوام سے اپیل کی ہے کہ وہ جذبات میں نہ آئیں اور تحریک کی ابتدائی سرگرمیوں کا حصہ بنیں۔
بیرسٹر گوہر نے مزید کہا کہ یہ تحریک سیاسی اور جمہوری نوعیت کی ہوگی اور اسٹریٹ موومنٹ کا حصہ ہوگی۔ انہوں نے بتایا کہ تحریک کی سربراہی بانیٔ پی ٹی آئی نے وزیر اعلیٰ خیبر پختون خوا، سہیل آفریدی کو سونپ دی ہے، تاکہ منظم اور پُرامن انداز میں مقاصد حاصل کیے جا سکیں۔
چیئرمین پی ٹی آئی نے عوام کو یقین دلایا کہ تحریک کے دوران کسی قسم کی بدامنی یا ہنگامہ آرائی کی گنجائش نہیں ہوگی اور تمام سرگرمیاں قانونی اور جمہوری دائرے میں رہ کر کی جائیں گی۔
